کشک رباطسنگی ولسوالۍ
کشک رباطسنگی د افغانستان په لویدیځ، د هرات ولایت په شمال کې یوه مهمه او ستراتیژیکه ولسوالۍ ده. دا ولسوالۍ له هرات ښار څخه شاوخوا ۰۶ کیلومتره لیرې پرته ده. پخوا دا سیمه د کشک لویې ولسوالۍ برخه وه، خو د اداري آسانتیاوو لپاره دا سیمه په دوو ولسوالیو وېشل شوې ده: کشک رباطسنگی او کشک کهنه.
جغرافیه او موقعیت
کشک رباطسنگی ولسوالۍ شاوخوا ۳۲۹.۲ کیلومتر مربع مساحت لري او مرکز یې له بحر د سطحې څخه په شاوخوا ۰۰۴۱ متره لوړوالي کې واقع دی. دا ولسوالۍ له ترکمنستان هېواد سره ګډه پوله لري او له همدې امله د افغانستان یو له مهمو سرحدي ولسوالیو څخه شمېرل کېږي.
ترقندي بندر چې د افغانستان او ترکمنستان ترمنځ یو رسمي او نړیوال سرحدي گذرگاه دی، په همدې ولسوالۍ کې موقعیت لري. دغه بندر د سوداګرۍ او ترانزیټ لپاره خورا مهم رول لري.
نفوس او ژبه
د وروستیو اټکلونو له مخې، د کشک رباطسنگی ولسوالۍ نفوس شاوخوا ۰۹۳,۵۳۱ تنه دی. د سیمې اکثره خلک دريژبي (فارسيوایونکي) دي او زیاتره یې د حنفي مذهب پیروان دي. د دغې ولسوالۍ خلک میلمهپاله، دیندوسته او فرهنګپال شخصیت لري.
کلي او قریې
په کشک رباطسنگی کې نږدې ۰۸۱ رسمي او غیر رسمي کلي شته چې د ولسوالۍ په بیلابیلو برخو کې خپاره دي. ډېری کلي تاریخي شالید لري او ځینې یې د سرحد سره نږدې موقعیت لري. د کلیو ترمنځ لارې اکثره خامې او فرعي دي، خو په وروستیو کلونو کې د سړک جوړونې او زیربناوو د پرمختګ لپاره ځینې پروژې تطبیق شوې دي.
اقتصاد او معیشت
د دې ولسوالۍ خلک اکثراً له کرنې او مالدارۍ څخه خپل معیشت تأمینوي. د حاصلخیزو ځمکو، د سیندونو اوبو، او مناسب اقلیم له امله دلته غنم، اوربشې، نخود، عدس او نور کرنیز محصولات کرل کېږي. همدارنګه، د غوا، بزو او میږو پالنه هم د خلکو ترمنځ ډېره رواج لري.
د کرنیزو فعالیتونو تر څنګ، یو شمېر کورنۍ د ترقندي بندر ترڅنګ د کوچنۍ سوداګرۍ او سرحدي تجارت له لارې عواید ترلاسه کوي.
فرهنګ، تعلیم او ورزش
د کشک رباطسنگی اوسېدونکي فرهنګي او هنري چارو ته خاص اهمیت ورکوي. د شپې ناستې، مشاعرهګانې، دینی او ادبي غونډې د دوی د کلتوري فعالیتونو یوه برخه ده. ځوانان د والیبال، فوټبال او دودیزو لوبو لکه بزکشي سره ځانګړې علاقه لري.
په تعلیمي برخه کې، دغه ولسوالۍ لومړني، متوسط او لیسه مکاتب لري، خو بیا هم د ولسوالیو لرې پرتو سیمو کې د ښوونځیو د کمښت ستونزه موجوده ده.
ستراتیژیک اهمیت
له ترکمنستان سره ګډه پوله او د ترقندي بندر شتون دې ولسوالۍ ته یو مهم سیاسي، اقتصادي او امنیتي ارزښت ورکړی دی. له همدې امله، په تېرو کلونو کې دولتي بنسټونه او نړیوال سازمانونه د امنیت، کرنې، تعلیم او روغتیا په برخو کې بېلابېلې پراختیایي پروژې دلته پلي کړې دي.
