د ادرسکن ولسوالۍ جغرافیه او موقیعت
ادرسکن ولسوالۍ د هرات ولایت په جنوب کې پرته ده او له مرکز هرات څخه شاوخوا ۰۹ کیلومتره واټن لري. دا سیمه له شماله د ګذرې، پشتون زرغون او غوریانو، له جنوبه د شینډنډ، له شرقه د فرسي او له غربه د ایران اسلامي جمهوریت سره پوله لري. د دې ولسوالۍ مساحت تقریباً ۰۱۰۴ کیلومتره مربع دی.
د هرات-قندهار لویه لاره چې د افغانستان یوه مهمه ترانزیتي لاره ده، د ادرسکن له لارې تېرېږي او د اقتصاد لپاره یې ډېر ارزښت لري.
طبیعی بڼې او منابع
ادرسکن یوه غرنیزه او درهییزه سیمه ده. د ادرسکن مشهور سیند چې له فرسي او د غور ولایت د تولک ولسوالۍ څخه سرچینه اخلي، د دې ولسوالۍ له منځه تېرېږي او زرغونې درې رامنځته کوي. دا شرایط د کرنې او مالدارۍ لپاره مناسب چاپېریال برابر کړی دی.
تاریخي مخینه
د ادرسکن د بشري اوسېدو تاریخ زرګونه کاله وړاندې ته رسېږي. ځینې محلي روایتونه وايي، چې د “ادرسکن” نوم د “آذرشکن” څخه اخیستل شوی، چې معنا یې د اور د عبادت ځای یا د اور پرستۍ کور دی. له وخت سره دا نوم بدل شوی او اوسنی شکل یې “ادرسکن” دی.
په پخوانیو وختونو کې، ادرسکن د سبزوار (اوسنی شینډنډ) یوه برخه ګڼل کېده.
نفوس او ټولنیز جوړښت
د ادرسکن خلک عموماً د فارسژبو، تاجکانو او هزارهګانو له قومونو څخه دي. د دوی ژوند د کرنې، مالدارۍ، غالۍ او ګلیماوفي او محلي سوداګرۍ پر بنسټ ولاړ دی. د جمعې ورځې بازار د خلکو د دادوستد مهم ځای دی، چیرې چې محلي میوې، سبزي، لبنیات، ژېړ غوړي او رواش پلورل کېږي.
د دې سیمې خلک د مېلمهپالنې، غیرت، وطندوستۍ او مهربانۍ له امله پېژندل کېږي.
فرهنګ او دودیز هنرونه
ادرسکن د غالۍاوفي، ګلیماوفي او کرسبافي (پخوانۍ دودیزه اوفي) پیاوړی تاریخ لري. دا هنرونه تر نن ورځې په کورونو کې دود پاتې دي او د خلکو د عاید یوه سرچینه ده. څلوربیتی شعرونه، ولسي سندرې او موسیقي هم د دوی فرهنګي ارزښتونه دي.
ورزش او ځوانان
په وروستیو کلونو کې د ادرسکن ځوانان په ورزشونو کې ډېر فعاله شوي دي. شاوخوا ۰۱ رسمي د فوټبال ټیمونه او ۴ د والیبال ټیمونه لري، چې ولایتي سیالیو کې هم ګډون کوي. نوي ورزشي میدانونه او چمنونه جوړ شوي، چې د ځوانانو هڅونه کوي.
بازار او اقتصادي ژوند
په بازار کې د خوراکي توکو، مېوو، سبزیجاتو، او کورني اجناسو پلور پراخ دی. د بازار خلک وایي چې ډېری توکي یا په سیمه کې تولیدېږي یا له هرات ښار څخه راوړل کېږي. ځینې پلورونکي هغه کسان دي، چې له ایران یا ترکیې څخه بېرته راستنېدلي او اوس دلته کاروبار کوي.
ادرسکن نه یوازې یوه مهمه جغرافیایي او اقتصادي سیمه ده، بلکې بډایه تاریخي او فرهنګي مخینه لري. د خلکو فعاله ونډه په کرنه، سوداګرۍ، ورزش او هنر کې دا ولسوالۍ د پرمختګ لپاره چمتو کړې ده. که د دولت او مدني ادارو لهخوا د زیربناوو، تعلیم او خدماتو پراخ ملاتړ وشي، نو ادرسکن به د افغانستان په لویدیځ کې د پرمختګ یوه بېلګه شي.
