بند پاشدان؛ د هرات په زړه کې یو نوی طبیعي ځلا

په زړه پورې ولایت هرات کې، د ښار لوېدیځ لور ته شاوخوا ۰۲ کیلومتره لرې، یو نوی او ښایسته تفریحي ځای په روښانتیا کې راوتلی دی: بند پاشدان. دا بند چې د وروستیو کلونو یو له مهمو ساختماني پروژو څخه دی، اوس د ځایي خلکو او کورنیو ګرځندویانو لپاره یو له خورا مشهور تفریحي ځایونو څخه ګرځېدلی دی.
طبیعي ښکلا، تازه هوا، ارامتیا او د غرونو او اوبو ښایسته منظره، بند پاشدان د طبیعت مینه‌والو لپاره یو بې ساری مقصد ګرځولی دی.

ارامتیا او ښکلا

د بند پاشدان لیدنه د ښار له شورو او ترافیک نه د ارامۍ نړۍ ته سفر دی. له هرات نه لوېدیځ ته په لاره، هر کیلومتر چې بند ته نږدې کیږي، آسمان پراخېږي، هوا صفا کېږي او طبیعت لا ښکلی کېږي. په ځانګړي ډول د پسرلي او دوبي فصلونو کې د جهيل شین رنګ له غرونو سره یو ځای د هر لیدونکي سترګې ښکار کوي.

فعالیته‌ د هر ذوق لپاره:

نظافت او ټولنیز مسئولیت

د بند پاشدان پاک ساتل د خلکو لپاره مهم ارزښت لري. ډېری کورنۍ د ځان سره د کثافاتو بوجۍ راوړي، خپل شاوخوا پاک ساتي او نورو ته هم سپارښتنه کوي.

بند پاشدان یوازې یو تفریحي ځای نه دی؛ بلکې یو طبیعي میراث دی چې باید راتلونکو نسلونو ته وساتل شي.

د ځایي خلکو نظریات:

په رخصتیو کې سلګونه کورنۍ بند ته ورځي. یو تن لیدونکی وايي:

“موږ له دوستانو او کورنۍ سره راغلي یو، دلته اختر لمانځو. کباب مو جوړ کړ، ماشومان مو لوبې وکړې، او یو ښه ورځ مو تېره کړه.”

یو محلي پلورونکی وايي:

“شاوخوا ۱۵ ډوله یخونه لرو. بند پاشدان زموږ کاروبار هم ښه کړی دی.”

اقتصادي ارزښت او ګټه

بند پاشدان نه یواځې چې د اوبو مدیریت پروژه ده، بلکې له اقتصادي پلوه هم اهمیت لري. د ګرځندویانو د زیاتوالي له امله د خوراکي غرفو، قایق کرایې، لاسي صنایعو او د لارښوونې بازارونه پراخ شوي دي.

سفر ته مشورې:

بند پاشدان د طبیعت ښکلا، مناسب امکانات او د خلکو ټولنیزه روحیه سره یو ځای، د افغانستان لوېدیځ ته یو قیمتي ګاڼه ګرځېدلې ده. که تاسو د ارامۍ، ښکلا او یادګاري شېبو په لټه کې یاست، نو بند پاشدان باید ستاسو راتلونکی مقصد وي.